Si u kap ai që i hoqi byzylykun elektronik dhe GPS-in?

PRISHTINË — Një person ka përfunduar në pranga në Prishtinë pasi Policia e Kosovës e dyshon se ka shkelur urdhrin mbrojtës të lëshuar ndaj tij. Rasti doli në dritë përmes raportit 24-orësh të policisë, i cili zbuloi se i dyshuari i kishte hequr nga trupi pajisjet e monitorimit.

Byzylykun elektronik dhe pajisjen gjurmuese GPS, i dyshuari i kishte vendosur mbi trup që nga data 11 qershor. Shtatë ditë më vonë — më 18 qershor — i hoqi të dyja, duke shkelur kështu kushtet e urdhrit mbrojtës aktiv ndaj tij.

Me vendim të prokurorit, i dyshuari u dërgua në mbajtje për 48 orë. Rasti po hetohet nën dyshimet për dy vepra penale: "Mospërfillje e Gjykatës" dhe "Asgjësim apo Dëmtim i Pasurisë".

Burim: Insajderi — Redaksia ZHURMA