Pse e quan Xhevat Prekazi 'tragjedi' mungesën e Serbisë në Botëror?

BEOGRAD — Ish-futbollisti i njohur kosovar, Xhevat Prekazi, ka shkaktuar reagime të shumta me deklaratat e tij të fundit për televizionin serb N1. Legjenda mitrovicase u shpreh i brengosur që Serbia nuk ka arritur të kualifikohet në Kupën e Botës 2026, duke e quajtur këtë dështim një tragjedi të madhe.

Prekazi kritikoi ashpër formatin e ri të këtij Botërori, duke e cilësuar atë si një cirk klasik për shkak të pjesëmarrjes së shumë ekipeve. Ai shtoi se është turp për futbollin që vende si Curaçao apo Uzbekistani marrin pjesë, ndërsa Serbia, me mijëra futbollistë cilësorë, mbetet jashtë.

Kjo nuk është hera e parë që ish-lojtari mitrovicas, i cili karrierën e tij e zhvilloi kryesisht në Serbi dhe Turqi, ndez reagime me deklarata të tilla që konsiderohen skandaloze në vendlindjen e tij.

Burim: Gazeta Express — Redaksia ZHURMA