Pse Georges Leekens beson se tifozët e Milanit do ta duan Ardon Jasharin?

MILANO — Ish-trajneri belg, Georges Leekens, ka thurur elozhe për mesfushorin shqiptar Ardon Jashari në një intervistë për median italiane "Tuttomercatoweb". Leekens u shpreh plotësisht i bindur për cilësitë e futbollistit, duke e cilësuar atë si një lojtar shumë inteligjent dhe fantastik që do të fitojë shpejt dashurinë e tifozëve.

Sipas ish-teknikut belg, Jashari pati disa probleme fizike që e penguan në fillim, por ai tregoi përmirësim të dukshëm në gjysmën e dytë të sezonit. Ai shtoi se lojtari kishte nevojë për kohë për t’u përshtatur gjatë vitit të tij të parë në një ligë tjetër dhe në një klub të madh.

Belgu beson se mesfushori shqiptar do të lulëzojë dhe do të rritet hap pas hapi te Milani për të dëshmuar se mund të arrijë nivelin më të lartë. Ai u bëri thirrje mbështetësve kuqezi që të mos kenë asnjë dyshim për cilësitë e tij.

Burim: Sportekspres — Redaksia ZHURMA