Çfarë është 'Hani Fest', festivali që riaktivizon Hanin e 2 Robertëve?

PRISHTINË — Edicioni i parë i festivalit “Hani Fest – Art n’ven” ka nisur sot në Hanin e 2 Robertëve. Deri më 20 qershor, tetë artistë do ta shndërrojnë këtë hapësirë historike në një ambient të gjallë krijimi.

Artistët pjesëmarrës janë Adriana Marku Sedaj, Bardhyl Bejtullahu, Bujar Kabashi, Arbër Sahiti, Skënder Boshtrakaj, Arianit Lakna, Fatos Kabashi dhe Gjon Mirdita. Ata do të realizojnë vepra në pikturë, skulpturë, instalacione dhe praktika multidisiplinare, duke iu mundësuar publikut të ndjekë procesin artistik hap pas hapi.

Festivali synon të ofrojë një eksperiencë unike, ku arti krijohet para syve të publikut dhe vizitorët ftohen të marrin pjesë në takime e biseda me autorët. Qëllimi është që hani të bëhet një pikëtakim i artit, ideve dhe komunitetit.

Burim: Klan Kosova — Redaksia ZHURMA