Pse OSBE po dërgon policinë shqiptare në Skoci?

TIRANË — Prezenca e OSBE-së në Shqipëri po financon një vizitë studimore të një delegacioni të Policisë së Shtetit në selinë e Policisë së Skocisë në Edinburg. Synimi është forcimi i kapaciteteve për menaxhimin e informatorëve, me qëllim rritjen e efektivitetit në hetimet penale.

Gjatë vizitës, përfaqësuesit shqiptarë do të njihen me procedurat operacionale, standardet e menaxhimit dhe zgjidhjet softuerike të avancuara të skocezëve. Kryetari i Prezencës së OSBE-së, ambasadori Michel Tarran, u takua me delegacionin përpara nisjes. Ai theksoi rëndësinë e informacionit të besueshëm dhe të verifikueshëm në luftën kundër krimit të organizuar.

OSBE vlerëson se informatorët luajnë rol kyç në hetimet penale. Forcimi i këtyre kapaciteteve shihet si thelbësor për zbatimin e modelit të policimit të udhëhequr nga inteligjenca, një qasje moderne në parandalimin dhe goditjen e kriminalitetit.

Burim: ATSH_,_ https://ata.gov.al/2026/06/15/osbe-mbeshtetje-policise-se-shtetit-tarran-informatoret-rol-kyc-ne-hetimet-penale/ — Redaksia ZHURMA