Pse policia greke e dhunoi 30-vjeçarin Maldin Maxhari?

KORÇË — 30-vjeçari Maldin Maxhari nga Maliqi është paraqitur në spitalin rajonal të Korçës me dëmtime të shumta në trup. Ai deklaron se është dhunuar rëndë nga policia greke, e cila e ka ngatërruar me një person tjetër që kishte kryer vepër penale.

Mjekët konfirmojnë se dhuna ka shkaktuar disa trauma, por i riu ndodhet jashtë rrezikut për jetën. Maxhari ka kryer kallëzim në policinë shqiptare. Ndërkohë, raportohet se policia greke nuk i ka ofruar atij as ndihmë mjekësore pas lirimit.

Burim: Telegrafi — Redaksia ZHURMA