Pse iu bashkuan shqiptarë nga Maqedonia e Veriut e Presheva protestës së 12-të në Tiranë?

TIRANË — Mijëra qytetarë i janë bashkuar protestës në ditën e 12-të të saj në bulevardin 'Dëshmorët e Kombit', duke kërkuar dorëheqjen e kryeministrit Edi Rama. Kësaj radhe, protestës i janë bashkuar edhe shqiptarë nga Maqedonia e Veriut dhe Lugina e Preshevës, që u solidarizuan me thirrjen 'Jemi jemi bashkë!'.

Thirrjet kryesore të protestuesve ishin drejtpërdrejtë kundër qeverisë: 'Rama jep dorëheqjen' dhe 'Edi Rama jep dorëheqjen'. Shqiptarët akuzojnë kryeministrin për korrupsion. Një protestues u shpreh kundër patronazhistave: 'I keni parë si krekosen me Facebook e Instagram, fshijini. Bojkotojini nga të gjitha anët. Dhe të gjithë patronazhistave, u them se nuk kemi frikë'.

Protestuesit kanë nisur marshimin nëpër kryeqytet, duke treguar vendosmëri për t'i dhënë, siç e cilësojnë ata, 'goditjen e fundit' qeverisjes së Ramës. Një lumë protestuesish ka mbushur rrugët e Tiranës në ditën e 12-të të këtij ciklu protestash.

Protesta zhvillohet ndërkohë që qeveria dhe Presidenca po përgatiten të shënojnë 27-vjetorin e çlirimit të Kosovës me homazhe dhe aktivitete të nesërmen.

Burim: IndeksOnline — Redaksia ZHURMA