{
  "$type": "site.standard.document",
  "bskyPostRef": {
    "cid": "bafyreibmem6ggylygbobyo42yhoq3h4m7ilkw5a3rb3eacbc7mpvaohwp4",
    "uri": "at://did:plc:vc2nen26a4wwwtacdiwdpeqk/app.bsky.feed.post/3mok32k2vicm2"
  },
  "coverImage": {
    "$type": "blob",
    "ref": {
      "$link": "bafkreigil4qqyshl4ilcu4nqfn5gwsntobo65ryynuk7u43tyvek2k7s2m"
    },
    "mimeType": "image/jpeg",
    "size": 60063
  },
  "path": "/node/186383",
  "publishedAt": "2026-06-18T05:00:57.000Z",
  "site": "https://www.independenturdu.com",
  "tags": [
    "View this post on Instagram",
    "A post shared by Giorgia Meloni (@giorgiameloni)",
    "A post shared by Narendra Modi (@narendramodi)",
    "اٹلی",
    "نریندر مودی",
    "روم",
    "نئی دہلی",
    "انسٹاگرام",
    "سوشل میڈٰیا",
    "شویتا شرما",
    "دنیا",
    "news"
  ],
  "textContent": "**انڈین وزیراعظم نریندر مودی اور ان کی اطالوی ہم منصب جارجیا میلونی نے فرانس میں جی سیون سربراہی اجلاس کے دوران خوشگوار لمحات گزارے اور کہا کہ وہ انسٹاگرام پر ’سب سے مشہور جوڑی‘ ہیں۔**\n\nایویان لے باں میں روایتی گروپ فوٹو کے لیے پہنچنے کے بعد دونوں رہنماؤں نے ایک دوسرے سے ہنسی مذاق کیا۔\n\nایک ویڈیو میں نریندر مودی اور جارجیا میلونی کو ایک دوسرے سے ملتے اور انڈین رہنما کو سوشل میڈیا پلیٹ فارمز پر اپنی مقبولیت کے بارے میں مذاق کرتے ہوئے دیکھا جا سکتا ہے۔\n\nایک مائیک نے جارجیا میلونی کے جواب کو زیادہ واضح طور پر ریکارڈ کیا جب انہوں نے کہا: ’ہاں ہم انسٹاگرام پر سب سے مشہور جوڑی ہیں۔‘\n\n> View this post on Instagram\n>\n> A post shared by Giorgia Meloni (@giorgiameloni)\n\nبین الاقوامی سربراہی اجلاسوں کے موقعے پر دونوں رہنماؤں کی دوستانہ بات چیت نے میمز، فین ایڈٹس، وائرل پوسٹس اور ایک آن لائن ٹرینڈ ’میلوڈی‘ کی لہر کو جنم دیا ہے، جو ان کے خاندانی ناموں کا مجموعہ ہے۔\n\nاس ٹرینڈ کا آغاز اس وقت ہوا جب دونوں وزرائے اعظم کی 2023 میں بالی میں جی ٹوئنٹی سربراہی اجلاس میں پہلی بار ملاقات ہوئی اور بعد ازاں اسی سال وہ دہلی میں ملے۔ دسمبر 2023 میں اس نے اس وقت زور پکڑا، جب جارجیا میلونی نے خود دبئی میں کوپ 28 کے اجلاس کے دوران نریندر مودی کے ساتھ ایک سیلفی پوسٹ کی جس میں ہیش ٹیگ ’میلوڈی‘ تھا۔\n\nحال ہی میں نریندر مودی نے اپنے دورہ روم کے دوران اطالوی رہنما کو انڈیا کی مشہور میلوڈی ٹافیوں کا ایک پیکٹ تحفے میں دیا، جس سے سوشل میڈیا پر دھوم مچ گئی۔\n\nجارجیا میلونی کی جانب سے شیئر کی گئی ایک ویڈیو میں نریندر مودی کو ہنستے ہوئے انہیں یہ چاکلیٹ دیتے ہوئے دیکھا جا سکتا ہے۔ جارجیا میلونی نے کیپشن میں لکھا، ’تحفے کا شکریہ۔‘\n\n> View this post on Instagram\n>\n> A post shared by Narendra Modi (@narendramodi)\n\nیہ ویڈیو کروڑوں ویوز کے ساتھ سوشل میڈیا پر بے حد مقبول ہوئی۔\n\nیہ دونوں رہنما انٹرنیٹ پر سب سے زیادہ مقبول افراد میں شامل ہیں۔ ایکس پر نریندر مودی کے 10 کروڑ 70 لاکھ اور جارجیا میلونی کے 33 لاکھ فالوورز ہیں۔ ان کا ایک ساتھ نظر آنا، انٹرنیٹ سے بخوبی واقف ان دونوں رہنماؤں کو مزید نمایاں کرتا ہے۔\n\n# مزید پڑھ\n\nاس سیکشن میں متعلقہ حوالہ پوائنٹس شامل ہیں (Related Nodes field)\n\nسربراہی اجلاس کے موقعے پر نریندر مودی کی کئی دو طرفہ ملاقاتیں طے ہیں، جن میں امریکی صدر ڈونلڈ ٹرمپ سے ملاقات بھی شامل ہے۔\n\nتوقع ہے کہ نریندر مودی اور ڈونلڈ ٹرمپ جی سیون رہنماؤں، آؤٹ ریچ پارٹنرز اور ٹیکنالوجی کے سرکردہ ایگزیکٹوز کے ورکنگ لنچ سے قبل ملاقات کریں گے۔ وہ انڈیا اور امریکہ کے تجارتی معاہدے، اقتصادی ترقی، سپلائی چینز، مصنوعی ذہانت، سرمایہ کاری کی شراکت داری اور عالمی سکیورٹی چیلنجز پر بھی تبادلہ خیال کریں گے۔\n\nانڈین وزیراعظم خلیج عمان میں بحری جہازوں پر امریکی حملوں کا مسئلہ اٹھانے کے دباؤ کے تحت سربراہی اجلاس کے لیے روانہ ہوئے، جن میں اس ماہ کے شروع میں انڈین عملے کے تین ارکان کی اموات ہوئی تھیں۔\n\nامریکی افواج نے ایران کا امریکی محاصرہ توڑنے کی کوشش کا الزام عائد کرتے ہوئے صرف اسی ماہ کم از کم تین ایسے بحری جہازوں پر حملہ کیا ہے، جن کا عملہ انڈین ملاحوں پر مشتمل تھا۔\n\nاٹلی\n\nنریندر مودی\n\nروم\n\nنئی دہلی\n\nانسٹاگرام\n\nسوشل میڈٰیا\n\nانڈین وزیراعظم نریندر مودی اور ان کی اطالوی ہم منصب جارجیا میلونی نے فرانس میں جی سیون سربراہ اجلاس کے دوران خوشگوار لمحات گزارے۔\n\nشویتا شرما\n\nجمعرات, جون 18, 2026 - 10:00\n\nMain image:\n\n> <p class=\"rteright\">17 جون 2026 کو فرانس کے شہر ایویان میں جی سیون سربراہی اجلاس کے دوران اٹلی کی وزیراعظم جارجیا میلونی (بائیں) ایک ورکنگ اجلاس سے قبل انڈیا کے وزیراعظم نریندر مودی سے گفتگو کر رہی ہیں (اے ایف پی)</p>\n\nدنیا\n\ntype:\n\nnews\n\nrelated nodes:\n\nاٹلی میں کیٹس ۔ شیلے ہوم کی کیفیات\n\nنریندر مودی کی اوور ایکٹنگ مگر ڈپلومیسی فلم پھر بھی فلاپ\n\nاٹلی: 18 سالہ بیٹی قتل کرنے والے پاکستانی والدین کی عمر قید برقرار\n\nمودی سے سوال کے بعد میٹا نے اکاؤنٹس معطل کر دیے: نارویجین صحافی\n\nSEO Title:\n\n’میں اور مودی انسٹا گرام کی سب سے مشہور جوڑی‘: جارجیا میلونی\n\ncopyright:\n\nIndependentEnglish\n\norigin url:\n\nhttps://www.independent.co.uk/asia/india/georgia-meloni-narendra-modi-g7-famous-couple-b2997176.html\n\nshow related homepage:\n\nHide from Homepage",
  "title": "’میں اور مودی انسٹا گرام کی سب سے مشہور جوڑی‘: جارجیا میلونی"
}