{
  "$type": "site.standard.document",
  "bskyPostRef": {
    "cid": "bafyreihzqp476tq7u46kpkkmzayptmj2v75zp7apualu7xg7wuiytgru7a",
    "uri": "at://did:plc:vc2nen26a4wwwtacdiwdpeqk/app.bsky.feed.post/3mnlcnzuylhy2"
  },
  "coverImage": {
    "$type": "blob",
    "ref": {
      "$link": "bafkreifrqoq3xdd2ionlhcrcbxvlvoelnm2ff5i6pt2wlccjf4wgxwgsfi"
    },
    "mimeType": "image/jpeg",
    "size": 70411
  },
  "path": "/node/186186",
  "publishedAt": "2026-06-05T10:49:28.000Z",
  "site": "https://www.independenturdu.com",
  "tags": [
    "سرینا ولیمز",
    "جرمنی",
    "ومبلڈن",
    "اے ایف پی",
    "ٹینس",
    "news"
  ],
  "textContent": "**منتظمین نے جمعہ کو اعلان کیا کہ سرینا ولیمز جون میں ہونے والے برلن کے ڈبلیو ٹی اے ایونٹ میں خواتین کے ڈبلز مقابلوں میں حصہ لیں گی، جو تقریباً چار سال کی طویل غیرحاضری کے بعد ان کی واپسی کے سفر کا ایک اہم مرحلہ ہوگا۔**\n\nچوالیس سالہ سرینا ولیمز نے ایک بیان میں کہا: ’اس وقت میں اپنے شیڈول میں جس بھی ٹورنامنٹ کا اضافہ کر رہی ہوں، وہ میرے لیے خاص ہے، اور برلن بھی اس سے الگ نہیں۔‘\n\nانہوں نے مزید کہا: ’میں جرمن شائقین کے سامنے کھیلنے اور گھاس کورٹ کے سیزن کے لیے اپنی رفتار اور تیاری کو مزید بہتر بنانے کی منتظر ہوں۔‘\n\nان کی ڈبلز ساتھی کھلاڑی کا اعلان بعد میں کیا جائے گا۔\n\nپیر کو 23 گرینڈ سلم سنگلز ٹائٹلز جیتنے والی سرینا ولیمز نے تصدیق کی تھی کہ وہ 8 جون سے شروع ہونے والے لندن کے کوئنز کلب ٹورنامنٹ میں شرکت کے ذریعے ٹینس میں واپسی کر رہی ہیں۔\n\n# مزید پڑھ\n\nاس سیکشن میں متعلقہ حوالہ پوائنٹس شامل ہیں (Related Nodes field)\n\nبرلن ٹینس اوپن 15 جون کو جرمنی کے دارالحکومت برلن میں شروع ہوگا اور یہ روایتی طور پر ومبلڈن سے قبل تیاری کے اہم ٹورنامنٹس میں شمار ہوتا ہے۔ ومبلڈن کا آغاز 29 جون کو ہوگا۔\n\nڈبلیو ٹی اے کی عالمی درجہ بندی میں شامل سرفہرست 10 کھلاڑیوں میں سے 9 اس ٹورنامنٹ میں شرکت کریں گی، جو برلن کے مغربی حصے میں منعقد ہوگا۔\n\nستمبر 2022 میں یو ایس اوپن کے تیسرے راؤنڈ میں شکست سرینا ولیمز کا ڈبلیو ٹی اے ٹور پر آخری میچ تھا۔\n\nومبلڈن کے آغاز سے قبل اپنی واپسی کو مزید نکھارنے کے لیے سرینا جرمنی کے شہر باد ہومبرگ اور انگلینڈ کے شہر ایسٹبورن میں ہونے والے ٹورنامنٹس میں بھی شرکت کریں گی۔\n\nسرینا ولیمز سنگلز میں سات مرتبہ اور ڈبلز میں چھ مرتبہ ومبلڈن کا ٹائٹل جیت چکی ہیں۔\n\nسرینا ولیمز\n\nجرمنی\n\nومبلڈن\n\nچوالیس سالہ سرینا ولیمز نے ایک بیان میں کہا: ’اس وقت میں اپنے شیڈول میں جس بھی ٹورنامنٹ کا اضافہ کر رہی ہوں، وہ میرے لیے خاص ہے، اور برلن بھی اس سے الگ نہیں۔‘\n\nاے ایف پی\n\nجمعہ, جون 5, 2026 - 15:45\n\nMain image:\n\n> <p class=\"rteright\">سرینا ولیمز 28 جون 2022 کو لندن میں ومبلڈن کے دوران ایک میچ میں (اے ایف پی)</p>\n\nٹینس\n\ntype:\n\nnews\n\nrelated nodes:\n\nسرینا ولیمز: گینگز کے محلے سے ٹینس کی سب سے بڑی کھلاڑی تک\n\nسرینا ولیمز کا ومبلڈن میں جیتنا ’انتہائی مشکل‘ ہوگا\n\nومبلڈن کی شکست کے باوجود سرینا ریٹائرمنٹ کو تیار نہیں\n\n’سنکاراز‘ 2026 میں ٹینس پر غلبے کے لیے تیار\n\nSEO Title:\n\nسرینا ولیمز کی چار سال غیرحاضری کے بعد برلن میں واپسی کی تیاری\n\ncopyright:\n\nshow related homepage:\n\nHide from Homepage",
  "title": "سرینا ولیمز کی چار سال غیرحاضری کے بعد برلن میں واپسی کی تیاری"
}