{
  "$type": "site.standard.document",
  "bskyPostRef": {
    "cid": "bafyreid4kzqj3nmemlhexze4o3ksqt7hvvpxxmu6v7mkrfrahjbzfgjcbi",
    "uri": "at://did:plc:vc2nen26a4wwwtacdiwdpeqk/app.bsky.feed.post/3mkc6coptuma2"
  },
  "coverImage": {
    "$type": "blob",
    "ref": {
      "$link": "bafkreihbrsvi5lkbvqwx2747y6ronlndyhscdttp7fvaudpzo4gjozqsi4"
    },
    "mimeType": "image/jpeg",
    "size": 144213
  },
  "path": "/node/185640",
  "publishedAt": "2026-04-25T03:33:17.000Z",
  "site": "https://www.independenturdu.com",
  "tags": [
    "پاکستان",
    "پیٹرولیم مصنوعات",
    "پیٹرول",
    "ڈیزل",
    "انڈپینڈنٹ اردو",
    "news"
  ],
  "textContent": "**حکومت پاکستان نے جمعے کو پیٹرول اور ڈیزل کی قیمتوں میں 26.77 روپے فی لیٹر اضافے کا اعلان کر دیا جو رات 12 بجے سے نافذ العمل ہو گئیں۔**\n\nحکومت پاکستان کے مطابق ایران، امریکہ اور اسرائیل کے درمیان جاری تنازعے کی وجہ سے عالمی تیل کی منڈیاں غیر مستحکم ہیں۔\n\nوزارت توانائی کی جاری کردہ نوٹیفکیشن کے مطابق، تازہ ترین اضافے سے پیٹرول 393.35 روپے فی لیٹر اور ہائی سپیڈ ڈیزل 380.19 روپے فی لیٹر ہو گیا ہے۔\n\nوزارت پیٹرولیم کے بیان کے مطابق: ’حکومت پاکستان نے 25 اپریل 2026 سے شروع ہونے والے اگلے ہفتے کے لیے پٹرولیم مصنوعات کی قیمتوں پر نظر ثانی کی ہے۔‘\n\nتازہ ترین اضافہ ایسے وقت میں ہوا ہے جب 28 فروری کو ایران پر امریکی اور اسرائیلی حملوں سے شروع ہونے والی جنگ عالمی توانائی کی فراہمی میں خلل ڈال رہی ہے، خاص طور پر آبنائے ہرمز کے ذریعے، جو ایران اور عمان کے درمیان ایک تنگ آبی گزرگاہ ہے جو دنیا کے تقریباً ایک پانچویں حصے کے تیل اور مائع قدرتی گیس کو لے جاتی ہے۔\n\nایران نے اس کے بعد حملوں کے جواب میں آبنائے ہرمز سے شپنگ پر پابندی لگا دی ہے، جبکہ امریکہ نے ایرانی جہازوں کو نشانہ بناتے ہوئے جوابی ناکہ بندی برقرار رکھی ہے۔\n\n# مزید پڑھ\n\nاس سیکشن میں متعلقہ حوالہ پوائنٹس شامل ہیں (Related Nodes field)\n\nپاکستان کے لیے، جو اپنے ایندھن کا بڑا حصہ درآمد کرتا ہے، یہ اثرات فوری اور شدید رہے ہیں، بڑھتی ہوئی تیل کی قیمتیں افراط زر، نقل و حمل کے اخراجات اور وسیع تر معاشی دباؤ میں اضافہ کر رہی ہیں۔\n\nحکومت نے پہلے ہی مارچ اور اپریل کے شروع میں ایندھن کی قیمتوں میں تیزی سے اضافہ کیا تھا، پیٹرول میں 42.7 فیصد اضافے کے ساتھ 458.41 روپے فی لیٹر اور ڈیزل میں 54.9 فیصد اضافے کے ساتھ 520.35 روپے فی لیٹر کر دیا تھا، جو حالیہ برسوں میں سب سے زیادہ اضافے میں سے ہیں۔\n\n10 اپریل کو، وزیر اعظم شہباز شریف نے اضافے کو جزوی طور پر واپس لینے کا اعلان کیا، پیٹرول میں 12 روپے فی لیٹر اور ڈیزل میں 135 روپے فی لیٹر کمی کی، حالانکہ قیمتیں تنازعے سے پہلے کی سطح سے کافی زیادہ رہی ہیں۔\n\nتازہ ترین نظرثانی عالمی توانائی کی منڈیوں میں جاری اتار چڑھاؤ کو واضح کرتی ہے، کیونکہ امریکہ-ایران امن مذاکرات پر غیر یقینی صورت حال اور خلیج میں جاری رکاوٹیں دنیا بھر میں سپلائی چینز اور قیمتوں پر دباؤ برقرار رکھے ہوئے ہیں۔\n\nپاکستان\n\nپیٹرولیم مصنوعات\n\nپیٹرول\n\nڈیزل\n\nحکومت پاکستان نے جمعے کو پیٹرول اور ڈیزل کی قیمتوں میں 26.77 روپے فی لیٹر اضافے کا اعلان کر دیا جو رات 12 بجے سے نافذ العمل ہو گئیں۔\n\n انڈپینڈنٹ اردو\n\nہفتہ, اپریل 25, 2026 - 08:30\n\nMain image:\n\n> <p class=\"rteright\">16 جون 2025 کو اسلام آباد کے ایک فیول سٹیشن پر ایک ملازم موٹر سائیکل کا ٹینک بھر رہا ہے (عامر قریشی/ اے ایف پی)</p>\n\nپاکستان\n\ntype:\n\nnews\n\nrelated nodes:\n\nڈیزل میں 135، پیٹرول میں 12 روپے فی لیٹر کمی کا اعلان\n\nمارجن 8 فیصد بڑھایا جائے: پاکستان پیٹرول پمپ ایسوسی ایشن\n\nپیٹرول کی قیمت میں 80 روپے کمی کا اعلان\n\nپاکستان: ایندھن کی قیمتوں میں بڑا اضافہ، پیٹرول 137 روپے مہنگا\n\nSEO Title:\n\nپاکستان: پیٹرول اور ڈیزل کی قیمتوں میں 26.77 روپے فی لیٹر اضافہ\n\ncopyright:\n\nshow related homepage:\n\nHide from Homepage",
  "title": "پاکستان: پیٹرول اور ڈیزل کی قیمتوں میں 26.77 روپے فی لیٹر اضافہ"
}