Үзебезнең Клара апабыз

Танылган музыка белгече, Татарстанның атказанган сәнгать эшлеклесе Клара Сабир кызы Таҗиева 25 июньдә үзенең күркәм юбилеен билгеләп үтте. Әлбәттә, музыкантлар даирәсендә аның абруе зур, шулай да Татарстан радиосы һәм аның тыңлаучылары өчен ул аеруча якын, кадерле кеше. Чөнки Клара апабыз иҗат юлын шушында башлап җибәргән, шушы коллективта канат чыгарган.