Хәзерге заман татар имамнары нинди булырга тиеш?

Дин әһелләре, имамнар гомер-гомергә татар халкының телен, тарихын, мәдәниятен һәм рухи үзенчәлеген саклаучылар булды. Тарихыбызга мөрәҗәгать итсәк, мәчетләр – иҗтимагый тормыш үзәкләре, имамнар исә аларның рухи лидерлары булган. Имамнар элегрәк тә ислам дине вәгазьчесе генә түгел, ә мәхәллә кешеләренең якын киңәшчесе һәм ярдәмчесе дә саналган.