Бөек Ватан сугышы чоры балалары

Бөек Ватан сугышы башланган һәм Җиңү көннәре һаман күз алдында. Үзәк өзгеч күренешләр хәтердә яңара: мин туган Иске Абдул авылы (хәзер Тукай районына керә) ир-егетләре фронтка китә; әнә алар хатыннары, балалары, туганнары белән хушлаша; озатучылар кулъяулык болгап кала. Безнең нәселдән шул канкойгыч сугышка 12 туган-тумача китеп, шулардан 8е һәлак булган.