ТУКАЙ ЭЗЛӘРЕ БУЙЛАП

Татарстан Милли музеенда олуг шагыйребезнең 140 еллыгы уңаеннан 5 ел дәвам иткән «Тукай эзләреннән» халыкара арт-пленэрының йомгаклау күргәзмәсе ачылды. Анда республикабыздан шулай ук Уфа, Троицк, Чиләбе, Әстерхан, Санкт-Петербург шәһәрләреннән, бүген Казахстан территориясенә кергән Уральскидан кырыклап рәссам катнашты, ике йөзләп картина, рәсем иҗат ителде. Пленэр үз эшен алга таба да дәвам итәчәк. Чиратта – Гурьевка, Самара, Уфа.