Виктор Аршинов: «Язмыш мине үзе Муса Җәлилгә китерде»

Яшь рәссамнарның республика күргәзмәләренең берсендә танылган татар рәссамы һәм сынчысы Баки Урманче болай дигән: «Аның һәр эше – фашизмга каршы тагын бер снаряд!» Бу сүзләр танылган рәссам, Муса Җәлилнең «Моабит дәфтәрләре»нә багышланган «Үлемсез җыр» графика сериясе өчен Г.Тукай исемендәге Дәүләт премиясенә лаек булган Виктор Аршинов күңеленә уелып калган. Шагыйрьнең тормышы һәм иҗаты аның иҗади һәм шәхси тормышының аерылгысыз бер өлеше булган. Язмыш үзе үк аны «Моабит дәфтәрләре»нә китергән.