«ЯЛКЫН» МӘКТӘП МЕДИАЛАРЫ ФЕСТИВАЛЕНЕҢ ҖИҢҮЧЕЛӘРЕ БИЛГЕЛЕ

Бүген «Татмедиа» бинасында Беренче Республикалүләм «Ялкын» мәктәп медиалары патриотик фестиваленең финал этабы һәм бүләкләү тантанасы үтте. Татарстан мәктәпләреннән җыелган медиа-командалар белем бирү практикумнарында катнашты, тәҗрибә уртаклашты һәм фестивальнең төп номинацияләрендә үз көчләрен сынады. Нәтиҗәдә, «Рус телендәге мәктәп медиасы», «Татар телендәге мәктәп медиасы» номинацияләре җиңүчеләре һәм «Иң яхшы мәктәп ММЧ» Гран-при иясе билгеле булды.