Җир җиләге кан басымын җайга сала

Җир җиләге каен җиләге кебек үк хуш исле булмаса да, аның башка өстенлекләре бар – баллы һәм эре җимешләрне аз вакыт эчендә дә күп итеп җыярга мөмкин. Шунлыктан күпләрне ел буена җитәрлек кайнатмалар, компотлар белән тәэмин итә ул. Ел буе авыз итәр өчен, җир җиләген туңдырып та, киптереп тә куярга мөмкин. Кипкән халәттә дә үзенчәлекле тәм бирергә сәләтле булуын исәпкә алып, кемнәрдер аның җимешләреннән һәм аның яфракларыннан чәй дә ясый. Тәм генәме соң, үзендә тупланган файдалы матдәләрен биреп, җир җиләге күп кенә авырулар белән көрәшергә дә ярдәм итә.