Балигъ булмаганнарга йөртү таныклыгыннан башка скутер белән идарә итү катгый тыела

19 - май көннәрендә Татарстанда бер тәүлек эчендә мотоцикллар катнашында аварияләрдә ике кеше һәлак булды. 20 май көнне Биектау районында мәктәпкә баручы унҗиде яшьлек егет автомобильне узам дип идарәне югалта һәм юл буендагы таш бордюрга бәрелә. Нәтиҗәдә, техника әйләнеп каплана. Артта утырган унҗиде яшьлек пассажир кызның гомере өзелә. Инспекторлар белдергәнчә, егетнең мотоцикл белән идарә итәргә таныклыгы булган. Һәлак булган кыз аның сыйныфташы. Һәлакәтнең килеп чыгу сәбәпләрен район прокуратурасы хезмәткәрләре тикшерә.