Марсель Сәлимҗанов исемендәге Актерлар йортында Казан Яшь тамашачы театры көне узачак!

20 майда Казан Яшь тамашачы театры дусларын Актерлар йортында җыячак. Чара Актерлар йорты тарафыннан оештырылган «Сцена без границ/ Чиксез сәхнә» марафоны кысаларында уза. Бу марафон Россия Федерациясе театр әһелләре берлегенең 150 еллыгы һәм Марсель Сәлимҗанов исемендәге Актерлар йортының 85 еллыгына багышлана. Шушы чарага багышланган матбугат очрашуында бу марафон республиканың һәр театры өчен Актерлар йортында ачык ишекләр көне үткәрү мөмкинлеге була, дип хәбәр иттеләр. Әлеге марафон аша тамашачылар театр дөньясы, аның кешеләре белән якыннанрак таныша алачак.