Камал театрында “Калеб. Яңа сулыш” концерты узды

“Калеб” яңа буын иҗат берләшмәсе Камал театрының Универсаль залында яз бәйрәме үткәрде. 31 март кичендә яшь җырчылар, музыкантлар, композиторлар, биючеләр, шагыйрьләр, рәссамнар бер урынга җыелган иде. Чараның сценарий авторы Рүзәл Әхмәдиев фикеренчә, дөньяны, мәдәниятны яшьләр үзгәртә, яшьләр алга этәрә. Алар заман сулышын тоеп яши. Сценарист, оештыручылар шул талантларны бозмыйча, үзгәртмичә тамашачыга җиткерергә тырышкан.