«Тантана» театр премиясен тапшыруга багышланган матбугат очрашуыннан соң

Татарстан Республикасының «Тантана» театр премиясе быел 15 нче тапкыр үткәрелә. Шул вакыт эчендә ул башта Камал театры бинасында гына узса, соңгы берничә елда Республиканың төрле шәһәрләрендәге театрларында да уздырыла башлады. Быел чират Әтнә театрында. Премиягә багышланган матбугат очрашуында катнашырга тиешле спикерлар исемлеге: Татарстанның Мәдәният министры Ирада Әюпова, Камал театрының баш режиссёры, Татарстан театр әһелләре берлеге рәисе Фәрит Бикчәнтәев, Әтнә театры директоры Ленур Зәйнуллин, «Казань» журналының баш мөхәррире Альбина Әпсәләмова. Матбугат очрашуында әлеге исемлектән соңгы икесе генә бар иде. Ә Мәдәният министрлыгыннан Светлана Гыйләҗиева булды.