«Апуш»ка 4 яшь! «Сәйдәш» мәдәният үзәгендә «Апуш» татар балалар театр студиясенең Туган көн бәйрәме үтте

2 март үткәрелгән бу бәйрәмдә сәләтле, тырыш, белемгә тартылучы балаларга һәръяклап ярдәм күрсәтүче әүһәтле кунаклар:Татарстан Республикасы Рәисе каршындагы Татар телен һәм Татарстан Республикасында яшәүче халыкларның туган телләрен саклау, үстерү мәсьәләләре буенча комиссия рәисе Марат Әхмәтов, Татарстан Республикасы Дәүләт Советының Мәгариф, мәдәният, фән һәм милли мәсьәләләр комитеты рәисе Айрат Зарипов, Татарстан Республикасы Дәүләт Советының Бюджет, салымнар һәм финанслар комитеты рәисе урынбасары Камил Ногаев, Казан шәһәре мэры урынбасары Гүзәл Сәгыйтова да бар иде.