د کلا عبدالله په ګلستان سيمه کې د ۲ قبیلو ترمینځ شخړه کې ۳ کسان وژل شوي، ۵ ژوبل دي

د بلوچستان پولیس وايي، د هغې صوبې د کلا عبدالله ضلعې په ګلستان سيمه کې د دوو قبیلو ترمینځ د اوبو د ټیوب وېل پر سر د شخړې له امله درې کسان وژل شوي او پینځه نور ژوبل شوي دي.د کلا عبدالله د پولیسو مشر اطهر رشید د مارچ پر ۲۴مه خبریالانو ته وویل چې دا پېښه تېره شپه رامينځ ته شوې ده او ژوبل کسان د کلا عبدالله ځايي روغتون ته رسول شوي دي. د سیمې مرستیال انتظامي مشر (اسېسټنټ کمېشنر) منور حسن مګسي ويلي دي چې پولیسو د ښکېلو خواوو ترمینځ ډزې درولې دي او د پېښې پلټنې کوي. ځايي خلکو مشال راډیو ته ویلي...