امریکايي رسنۍ: ټرمپ منځني ختیځ ته د زرګونه اضافي سرتېرو پر استولو غور کوي

د امریکا ګڼو رسنيو د سرچینو په حواله راپور ورکړی دی چې ولسمشر ډانلډ ټرمپ پر دې غور کوي چې زرګونه اضافي امریکايي ځمکني سرتېري منځني ختیځ ته واستوي چې هلته "عملیات" پیاوړي کړي. دا داسې اقدام دی چې ټرمپ ته به د ایران پر ضد په جګړه کې نور انتخابونه ورکړي. دا راپورونه په داسې حال کې خپرېږي چې ټرمپ خپله د مارچ پر ۱۹مه دا رد کړه چې ګواکې هغې سیمې ته د نورو ځواکونو د لېږدولو په حال کې دی، خو داسې ښکاري چې دا امکان یې لا هم پرانیستی پرېښی دی. نوموړي خبریالانو ته وویل: "زه هېڅ ځای ته پوځیان نه...