امریکا یو ځل بیا ایران ته خبرداری ورکړی چې ورسره هوکړه وکړي

امریکا یو ځل بیا ایران ته ګواښ کړی چې دا به ورته ښه وي چې له واشنګټن سره یو تړون ته ورسي.د سپینې ماڼۍ ویاندې کیرولین لیوېټ د فبرورۍ پر ۱۸مه وویل، "ایران به ډېر هوښیار وي که د امریکا له ولسمشر ډانلډ ټرمپ سره یوه هوکړه وکړي." دا تر هغې وروسته ده چې فبرورۍ پر ۱۷مه د سوېټزرلینډ (سوېس) په جېنیوا کې د عمان په مینځګړتوب د دواړو هېوادونو د استازو ترمینځ د نامستقیمو خبرو دویم پړاو بې له نتیجې پای ته ورسېد. لیوېټ خبریالانو ته وویل، په مذاکراتو کې یو څه پرمختګ شوی خو دواړه خواوې لا هم "په ځینو...