A danza contemporánea sae á rúa e celebra a creación e a comunidade

A quinta edición do festival Abanea arrinca o 8 de xullo en Ames, Outes, A Guarda, Foz e Celanova para converter a rúa nun grande escenario vivo. Baixo a dirección de Marta Alonso, o encontro reúne once compañías que habitan espazos non convencionais. "O noso obxectivo é que o público entre en distintos universos visuais a través do corpo", explica Alonso sobre unha cita que busca interpelar a cidadanía a través do movemento.