Cinco anos despois da lei, a Asociación Dereito a Morrer Dignamente denuncia demoras e desigualdades no acceso á eutanasia

A Asociación Dereito a Morrer Dignamente (DMD) reclama a implantación dun protocolo asistencial unificado e a creación de Unidades da Eutanasia en todas as comunidades autónomas para garantir unha tramitación áxil e homoxénea da prestación de axuda para morrer. A entidade denuncia que, cinco anos despois da entrada en vigor da lei, persisten obstáculos, atrasos e desigualdades territoriais que prolongan o sufrimento das persoas solicitantes.