O TSXG ignora a denuncia na Fiscalía e deriva novos litixios eólicos á sección segunda

A Fiscalía Superior da Galiza vén de elevar á Fiscalía do Supremo unhas dilixencias de investigación preprocesual por presunto delito de prevaricación ante os cambios nos criterios de reparto de casos entre as seccións do Tribunal Superior de Xustiza da Galiza (TSXG). Porén, as últimas resolucións da presidenta da Sala do Contencioso-Administrativo do TSXG insisten en derivar os casos sobre eólicas da sección terceira á segunda.