Case un ano despois dos incendios, a terra queimada segue chegando ao río en Valdeorras: "Non se avanzou nin na protección nin na recuperación"

Cando está a piques de cumprirse un ano dos grandes incendios que arrasaron milleiros de hectáreas en Valdeorras, as consecuencias seguen sendo visíbeis sobre o terreo. A erosión provocada pola perda da cobertura vexetal continúa arrastrando terra queimada aos regatos e ríos, mentres a veciñanza denuncia a falta de actuacións para restaurar o monte e reducir os impactos ambientais e sociais da catástrofe.