Cecilia F. Santomé, escritora: "Boundaries Road escapa das etiquetas e funciona como unha historia feita de historias"

Cecilia F. Santomé (Vilalba, 1984) explora novas formas narrativas en Boundaries Road (Xerais, 2026), unha novela que nace da vontade de revisitar a súa primeira obra e que se presenta como un artefacto literario difícil de encaixar. A través dunha historia que pode lerse como tres novelas diferentes, a autora afonda na memoria, nos espazos e nas tensións que estes estabelecen cos personaxes.