A directora da Garda Civil, Mercedes González, desvincúlase de Leire Díez e rexeita inxerencias na UCO: "Xamais participei en ningunha trama"

A directora xeral da Garda Civil, Mercedes González, negou no Senado calquera participación en manobras para interferir nas investigacións da Unidade Central Operativa (UCO) e desvinculouse das actividades atribuídas a Leire Díez. A responsábel admitiu varios encontros coa ex militante socialista, mais asegurou que nunca formou parte de ningunha trama nin exerceu presións sobre os axentes.