Rueda xustifica a ausencia de María José Gómez nos primeiros grandes lumes da tempada: "A conselleira non apaga incendios"

O presidente da Xunta saíu en defensa da titular de Medio Rural tras as críticas pola súa ausencia pública durante os incendios de Padrón e Boborás. Mentres María José Gómez participaba en actos institucionais en Mos e Lugo, a dirección e as comparecencias sobre os lumes recaeron no director xeral de Defensa do Monte, Manuel Francisco Gutiérrez, home da máxima confianza de Alfonso Rueda.