Tres anos e medio de cárcere por un boleto de lotaría: a Audiencia Provincial dita sentenza contra o vendedor que ocultou un premio de 4,7 millóns de euros

A Audiencia Provincial da Coruña condenou o vendedor de lotaría coruñés acusado de quedar cun boleto da Primitiva premiado con 4.722.337,75 euros a tres anos e medio de prisión. A sentenza considera probado que actuou con ánimo de lucro mediante un engano que lle permitiu cobrar o premio, aínda que absolve o seu irmán, ex delegado provincial de Lotarías, dos delitos de encubrimento e branqueo de capitais.