Manuel Castiñeiras: "A catedral de Santiago é moi rica en referencias clásicas. Como moitos saben, as miñas favoritas son as acróteras"

Manuel Antonio Castiñeiras González (A Coruña, 1964), catedrático de Historia da Arte Medieval na Universitat Autònoma de Barcelona e presidente do Comité Internacional de Expertos do Camiño de Santiago, é un recoñecido estudoso da arte románica, tanto no ámbito peninsular como en Europa, con importantes traballos sobre senlleiros monumentos como a catedral de Santiago. O día 9 de xuño dá unha conferencia en San Martiño Pinario organizada pola Agrupación Cultural O Galo sobre os portais historiados da catedral de Santiago e o día 17 participa nas xornadas Compostela e memoria no Museo do Pobo Galego.