Baiuca, Fillas de Cassandra ou Alana lideran o cartel da 41ª Festa da Carballeira de Zas

A Festa da Carballeira de Zas quece motores para celebrar a súa 41ª edición cun cartel de primeiro nivel que combina tradición e vangarda. Os días 7 e 8 de agosto, a Costa da Morte converterase no epicentro da música de raíz cunha programación que reúne figuras destacadas do folk galego e internacional, actividades para todos os públicos e unha aposta decidida por manter viva a esencia comunitaria dun dos festivais de referencia da Galiza.