Milleiros de persoas mobilízanse en Vigo pola paz e contra o desfile das Forzas Armadas españolas

Milleiros de persoas percorreron este sábado as rúas de Vigo denunciando a propaganda militarista, o incremento do gasto público en armamento, o papel da OTAN e reclamando a fin das guerras e o imperialismo. Mentres, a poucos quilómetros, na praia de Samil, as Forzas Armadas españolas despregan os seus efectivos nun evento de exaltación militarista que conta coa presenza do rei e a raíña de España, Felipe VI e Letizia Ortiz, e da princesa Leonor de Borbón.