O Festival de Cans reforza o seu papel como punto de encontro da industria audiovisual na apertura oficial da XXIII edición

O Festival de Cans abriu oficialmente a súa XXIII edición cunha intensa primeira xornada na que se mesturaron cinema, industria audiovisual, música e participación popular. O certame reforza a súa dimensión profesional e comunitaria cun programa cheo de homenaxes, encontros e estreas que converterán durante varios días O Porriño en punto de encontro da creación audiovisual galega.