Galiza mobilízase en apoio á Global Sumud Flotilla após o secuestro por parte de Israel de 7 activistas galegas

As concentracións convocadas esta terza feira en diferentes puntos de Galiza volveron amosar o apoio social á Flotilla humanitaria con destino a Gaza e ás persoas activistas detidas por Israel. A mobilización produciuse despois do arresto da galega Sandra Garrido, que se suma aos outros seis activistas galegos retidos, nunha xornada marcada polas denuncias contra a actuación do exército israelí e as reclamacións de liberdade para as persoas secuestradas.