A CIG denuncia "censura" da Consellaría de educación por retirar das redes un decálogo reivindicativo do IES de Melide

A CIG-Ensino denunciou un novo “caso de censura” por parte da Consellaría de Educación tras exixir Inspección educativa a retirada das redes sociais do IES de Melide dun decálogo elaborado polo profesorado contra os recortes de persoal. O sindicato acusa o departamento dirixido por Román Rodríguez de “acosar e perseguir” o profesorado en lugar de atender as necesidades dos centros educativos.