O Senado aproba a iniciativa do BNG para mellorar a seguranza da N-541 en Cerdedo-Cotobade e impulsar unha actuación integral

O Senado aprobou, a iniciativa do BNG, unha actuación integral para mellorar a seguranza viaria da N-541 ao seu paso por Cerdedo-Cotobade. A senadora do BNG Carme da Silva Méndez destacou que a medida responde a unha demanda histórica da veciñanza e reclama ao Goberno do Estado actuacións urxentes nunha vía con elevada sinistralidade e graves deficiencias estruturais.