O BNG denuncia o "secuestro ilegal" da Global Sumud Flotilla por parte de Israel e reclama accións inmediatas do Goberno español

O BNG exixiu ao Goberno español unha resposta “inmediata e contundente” tras o novo ataque do exército israelí contra a Global Sumud Flotilla en augas internacionais. A formación nacionalista denuncia o “secuestro ilegal” da tripulación por parte do Estado de Israel e reclama a liberación inmediata das persoas retidas, entre as que se atopan os activistas galegos Duarte Ferrín (Edi), Xurxo Porritt e Benito González.