"Por que non deixala falar?": críticas á IA empregada pola CSAG para recrear Begoña Caamaño

A recreación mediante intelixencia artificial de Begoña Caamaño nun especial da CSAG (antiga CRTVG) polo Día das Letras Galegas provocou unha onda de críticas nas redes sociais. Usuarios e profesionais cuestionan o uso dunha versión clonada en imaxe e voz da escritora e xornalista, especialmente tendo en conta a súa traxectoria na Radio Galega e o seu firme compromiso coa ética informativa e os medios públicos.