Beatriz Caamaño: "Para comprender a obra literaria de Begoña é imprescindíbel coñecer a persoa"

No ano de Begoña Caamaño no Día das Letras Galegas, a súa irmá, Beatriz Caamaño, debulla a traxectoria dunha figura que fixo do xornalismo o seu "traxe perfecto" e da literatura unha ferramenta para situar as mulleres no centro do mundo. Desde a nena rebelde que non aceptaba estereotipos até a cronista censurada polo poder, tece o relato íntimo dunha muller que transformou a dor en "fillas" de papel.