O SLG acusa a Xunta de “secuestrar” o Consello Galego de Benestar Social e de desprezar as organizacións sociais e a Valedora do Pobo

O Sindicato Labrego Galego denuncia que a Consellería de Política Social leva anos incumprindo o compromiso de crear un grupo de traballo sobre dependencia e critica que durante 2025 non se convocase ningunha reunión do Pleno do Consello Galego de Benestar Social. A organización acusa o departamento autonómico de baleirar de funcións o órgano de participación social e anuncia posíbeis accións xudiciais.