O profesorado galego irá mañá a folga por sexta vez este curso para negociar melloras laborais "reais" e a garantía do seu cumprimento

Galiza lidera este curso as convocatorias de folga no ensino no conxunto do Estado, nun contexto de crecente malestar entre o profesorado. A CIG-Ensino denuncia a falta de propostas concretas por parte da Xunta e acusa o Goberno galego de substituír a negociación real por “propaganda”, mentres chama a mobilizarse esta terza feira nunha manifestación que sairá ás 12 horas da Alameda compostelá.