O BNG reclama activar a estación da Portela, en Barro, para un servizo de ferrocarril de proximidade

O BNG reclama ao Goberno do Estado a posta en funcionamento da estación de ferrocarril da Portela, en Barro (comarca de Pontevedra), co obxectivo de impulsar un servizo de proximidade que mellore a mobilidade da veciñanza. A formación nacionalista defende aproveitar unha infraestrutura xa existente para ofrecer conexións útiles, sostíbeis e adaptadas ás necesidades cotiás da poboación.