A pegada das mestras na Galiza: pasado, presente e futuro dunha educación en feminino e en galego

“Educación en feminino: un paseo pola historia” chegou este ano á súa novena edición. As alumnas de primeiro curso de Ciencias da Educación do Campus de Lugo da USC dirixidas polo seu profesor Francisco Candia recuperaron nesta edición 37 figuras de mulleres mestras para pór en valor “a historia das mulleres no mundo da educación”, unha maneira de “facer xustiza” logo de que nos libros de historia da educación sexan aínda “moi ocultadas”.