Persoal dos centros de menores urxe a "humanizar" a protección e reeducación das crianzas: "Non lle interesan a ninguén"

A acción "Mércores en Loita", impulsada polos sindicatos CIG, CUT e SNEP (Sindicato Privado do Ensino Privado da Galiza) volveu mobilizar esta cuarta feira o persoal traballador dos sectores da atención a menores, discapacidade e infantil de 0-3 anos. Desde hai máis de dous anos reclaman un convenio galego que mellore as súas condición laborais e salariais. Desde os centros de protección e reeducación de menores denuncian unha precariedade que pon en risco a atención á rapazada máis vulnerábel.