Irán rexeita o alto o fogo e só acepta un final definitivo da guerra baixo as súas condicións

Trump é á vez o poli malo e o poli bo, persiste nas súas ameazas cunha retórica cada vez máis exaxerada contra Iran, ao tempo que, tres ou catro frases despois, louva o inimigo e di que negocia de "boa fe". Pola contra, o país persa non sae do guión, só chegará a un acordo para pór fin á guerra, e non para un cesamento do fogo. O líder estadounidense mestura as ameazas coas loanzas ao seu rival, mais non é quen de conter o seu aliado Israel, que segue escalando a guerra.