Carlos Lixó, profesor e escritor: "Atráeme a idea de pensar se a miña experiencia humana é común ou resultado do contexto"

Carlos Lixó (Carreira, Ribeira, 1991) é doutor en Historia, medievalista e profesor de ensino secundario. Ademais, é autor do poemario As casas (Espiral Maior, 2018), que recibiu o premio Pérez Parallé. Nas últimas semanas acaba de publicar a súa segunda obra de relatos, Rastros (editorial Rodolfo e Priscila), coa que percorre a historia do mundo en que vivimos.